Pestó-döðlu kjúklingur
Ég ætla að deila með ykkur æðislegri marineringu/sósa sem er góð með öllu t.d Kjúkling, hef líka notað hana með fiski.
Pestóið sem ég notaði
Ég byrja á að steikja kjötiðupp úr olíu og hvítlauk (hvort sem það er kjúklingur, fiskur eða eitthvað annað). Það er svo bæði hægt að setja kjötið heilt eða brytjað niður í eldfastmót og hita í ofni í ca. 30 mín á 180°C eða steikja áfram á pönnu.
Þessi uppskrift er glúteinlaus og hægt að hafa hana mjólkulausa.
Innihald miða við að eldaðar séu 3-4 kjúklingabringur:
- 1 krukka af rauðu pestói
- 10 smátt saxaðar H-bergs döðlur
Ég nota alltaf H-bergs döðlur
- 4 kúfullar msk af rjómaosti (hægt að nota 2-3 msk af kóksrjóma til að hafa mjólkulaust)
- 2-3 tsk sólþurrkaðir tómatar
Sólþurrkaði tómatar sem ég notaði
- 3-4 sneiðar af jalapeno (má sleppa ef þú vilt ekki hafa matinn sterkann)
- 1 tsk af sterkri sósu(má sleppa ef þú vilt ekki hafa matinn sterkann)
- 1/2 box saxaðir sveppir
- 1/2 saxaður rauðlaukur
- 1 kúfull tsk af dijon sinep
- 1-2 tesk af pressuðum hvítlauk (ef hann er ekki notaður til að steikja kjötið)
Blanda öllu vel saman, blanda svo kjötinu vel við.
Það er sniðugt að búa til þessa blöndu daginn áður til að spara tíma. Það þarf þá að geyma blönduna í ísskáp.
Ég mæli með þessum hrísgjrónum, mér finnst skipta miklu máli að hrísgrjónin séu stutt – mér finnst þau vera bragðbetri en lögnu.
Ég mæli með að hafa hrísgjón með þessu en alveg hægt að hafa kartöflur líka.
Allir sem hafa smakkað þennan rétt hjá mér hafa gefið honum topp einkunn svo þetta ætti að vera góður réttur fyrir næsta matarboð.
Kjúklinga döðlu-pestóréttur með hrísgrjónum.
