Döðlubrauð án sykurs og hveitis
Ég bjó til uppskrift af ótrúlega góðu döðlu-hafra brauði sem inniheldur engan sykur né hveiti!
Þeir sem hafa smakkað það hjá mér eru allir sammála um að það sé mjög gott og mjög hissa að að það sé ekkert hveiti eða sykur í því.
Uppskriftin er svona:
Innihald:
1 bolli döðlur
1 bolli vatn
120gr Sukrin Gold
1 egg
2 og 1/2 haframjöl
2 msk olía
1 tesk lyftiduft
1 tesk vanilludropar
Aðferð:
1) Sjóða vatn, láta 1 bolla af vatni í skál og leggja döðlurnar í bleyti
2) Þeyta saman Sukrin Gold og egg, svo það verði létt
3) Bæta við haframjöli, olíu, lyftidufti og vanilludropum við eggið+sukrin gold, hræra því rólega saman
4) mauka döðlurnar t.d með höndunum með því að kremja þær í höndunum. Þannig að vatnið og döðlurnar verða eins og mauk/grautur
5) Bæta döðlumaukinu saman við restina og passa að það blandist vel saman
6) Hella í form og baka í 200°C ekki með blástur í 60-75 mín.
Ef þú prófar þessa uppskrift væri gaman að heyra frá þér hvað þér finnst um brauðið 🙂
Facebook Athugasemdir
Sæl
Ég var að prófa þetta döðlubrauð og það var mjög þurrt hjá mér. Á ekki að vera 2 1/2 bolli haframjöl? Það vantar mælieininguna í uppskriftina. Svo var ég með gróft haframjöl og það getur kannski haft sitt að segja.
Sæl Auður,
Leitt að heyra að það hafi verið þurrt, spurning hvort það hafi verið bakað aðeins of lengi?
Var brauðið svipað á litin eins og það er á myndinni hjá mér?
Jú það er rétt að það á að vera 2,5 bolli. Hver bolli er 235 ml. Er það ekki sama mælieining og þú notaðir?
léstu ekki líka 1 bolla af vatni í döðlumaukið?