Fjóla Signý

Don't Worry Be Happy

Home » 10 einföld ráð til að spara

10 einföld ráð til að spara

Ég fékk oft fengið spurninguna „á hverju lifir þú“ þegar ég var í skóla og vann bara á sumrin í sveitinni -eða bjó mér til verkefni sem ég fékk smá pening fyrir. Ég ákvað bara „Don’t worry be happy“ mig langaði frekar að eiga lítinn/engann pening en geta æft og keppt. Það skiptir höfuð máli að ef þú ert að spara hvernig viðhorfið er.

Ef þig langar að safna þér fyrir einhverju verður þú að vilja það nógu mikið að þú sért til í að spara. Ekki segja t.d „mig langar svooo að fara til USA en ég á ekki aldrei pening“ og vera svo alltaf að kaupa sér tilbúinn mat, ný föt í hverjum mánuði og áfengi allar helgar. Þá langar þig ekki mjög mikið, en hér koma 10 helstu atriði sem ég hef notað til að spara pening:

1. Fylgstu með í hverju þú eyðir peningunum þínum.
Fyrst skráði ég þetta allt í bók þegar ég var 15 ára, svo í excel þegar ég fékk mér tölvu og núna eru komin mjög þægileg forrit tengt heimabankanum sem flokka útgjöldin.
Settu þér markmið hvar þú vilt minnka kostnað. Sumir eiga erfitt með að átta sig á hvað þeir eyða miklum pening og getur verið góð leið að taka út pening vikulega og setja í sitthvor umslög. Ég hef flokkað útgjöld í: matarinnkaup, skyndibiti, skemmtun, gjafir, læknir, bíll, reikningar, annað. Það er svo gott að hafa einn flokk sem er sparnaður, hinsvegar var það ekki oft í boði og tók ég bara til hliðar þegar ég náði að halda mig undir markmiðum.

2. Taka með nesti.
Eins og flestir vita sem þekkja mig þá borða ég mjög mikið svo mín sparnaðarráð snúast mikið um mat. Það er heldur ekki hægt að komast hjá því að borða.
Með því að taka með sér nesti ertu ekki bara að spara pening heldur þá borðar maður yfirleitt líka hollara. Það getur verið gott að eldra rúmlega í kvöldmatinn og taka rest með í hádegismat daginn eftir. Einnig er mikill sparnaður að taka nesti á ferðalögum. Þá er maður yfirleitt að kaupa tilbúinn mat á túristastöðu sem kostar yfirleitt meira enn venjulega.

3. Nýttu þér afslætti/tilboð.Það þarf engann að undra að ég elska vinnuna mína þar sem ég vinn hjá Hópkaup. Afhverju ættir þú að kaupa á fullu verði þegar þú getur borgað minna? Það eru tilboð á öllu, utanlandsferðum, mat, fötum, tax free ofl. Hinsvegar þarftu að vera meðvitaður um að kaupa aðeins tilboð á því sem þú hefðir annars keypt þér. Ef það er kjúklingur á tilboði þá borðaru kjúkling og frystir slatta. En ekki kaupa þér fánastöng bara af því “hún var svo á góðu verði” ef þú ætlaðir aldrei að kaupa þér fánastöng.

4. Taktu að þér aukavinnu/verkefni – í hófi, mátt ekki brenna yfir.Ef þér býðst aukavinna eða verkefni sem gefur þér smá pening taktu því. Ef þú vinnur auka og færð 2.000 kr á viku er það 8.000 á mánuði eða 96.000 kr. á ári.
Þú getur þó ekki gert það endalaust en í góðu lagi að gera það stöku sinnum í mánuði. Settu þér markmið að þú viljir vinna X tíma aukalega en ekki meira en X. Það er mikilvægt að slaka á og eyða tíma með fjölskyldu og vinum.

5. Eldaðu heima – minni skyndibiti. Það kostar rosalega mikið að kaupa matinn tilbúinn. Ég hef sett mér markmið að kaupa mér tilbúinn mat 2x í mánuði. Við vorum tvö með markmið að eyða aðeins 10.000 í skyndibita/út að borða í mánuði. Fyrir utan að oftast kaupir maður eitthvað sem er ekki hollt. Ef þú kaupir þér mat í fyrir 2.000 kr 3x í viku er það 24.000 á mánuði eða 288.000.6

6. Eldaðu líka úr ódýru hráefni. Reglan var í gegnum skólagönguna hjá okkur að borða að lágmarki mjólkugraut 1x í viku (grjónagraut, makkarónugraut, eggjagraut, kakósúpu ofl.) og 1x í viku væri bara snarl í matinn. Þetta tvennt lækkar matarkostnaðinn ótrúlega mikið. Mjólkurgrutur kostar kannski 300 kr. fyrir tvo. Það er frekar ódýr máltíð 😉
Bakaðu pizzu, gerðu pasta- og hrísgrjónarétti. Bara ekki gleyma að hafa nóg af grænmeti með svo það sé einhver næring í þessu líka.

7. Ekki henda mat. Ég er með “ofnæmi” fyrir því, ég get ekki hent mat. Ég er ekki að segja að þú eigir að borða ónýtann mat en þú átt að borða hann áður enn hann skemmist. Ef þú færð þér súpu með sýrðum rjóma, þá þarftu að pæla í því að hafa e-ð annað með sýrðum rjóma til þess nýta sýrðarjómann, t.d mexikanskann mat eða í einhverja sósu. Ef þú eldar allt of mikið þá getur fryst matarskammta, hentar vel að frysta lasagne, súpur ofl.

8. Farðu sjaldan í búð. Farðu 1x í mánuði og gerðu stór innkaupa og 1x í viku til að kaupa ferskvöru (mjólkurvörur, ávexti og grænmeti).Með því að fara sjaldnar í búðina þá eyðir þú minna. Fylltu frystinn þinn af kjöti, ávöxtum og brauði. Keyptu nokkrar sósur, dósamat, hrísgrjón og annað sem þú notar reglulega. Í þessari ferð er einnig keyptar vörur sem endast endalaust eins og þvottarefni, sápa, batteri o.s.frv.
Þú eldar og borðar svo mat sem er til. Það eru fullir skápar af mat og þú skalt búa til mat úr því.
Þegar þú ert að versla skoðaðu hvað hver hlutur kostar og settu í samhengi, lestu yfir kassakvittunina eftir búðaferðina. Ertu að gera þér grein fyrir hvað ostur og rjómi kostar mikið?

Það er grundvallar atiði í þessu að vera með innkaupalista. Ég mæli með að setja upp lista á netinu svo aðrir á heimili geti deild listanum sín á milli. Ef einn er í búðinni getur sá sem er heima bætt við á listann. Einnig með því að hafa listann rafrænan er hægt að setja allt grænmeti á sama stað á listanum, allar mjólkurvörur ofl. Þannig að maður þurfi ekki að fara fram og til baka að leita af vörum af listanu.

9. Drekktu vatn! Ekki bara að það sé allra meina bót þá er frítt! Drekktu vatn með matnum, í bíó, yfir daginn. Alltaf! J
Dæmi, 1 L af appelsínusafa kostar 500 kr. í lágvöruverslun í dag. Ef þú drekkur 2 á viku er það 4.000 á mánuði eða 48.000 kr á ári.

10. Margt smátt gerir eitt stórt, hugsaðu um allar krónur! Ekki hugsa “æj þetta eru bara 100 kr.” því ef það eru 100kr 2x á dag er þetta 6.000 á mánuði eða 72.000 kr á ári. Margt sem hægt er að gera við þann pening!
Alltaf að kaupa stórt brauð, pepperoni, skinku og skipta því niður niður og frysta.
Notaðu fjölnota poka eða taktu einhvern poka með þér í búðina.
Ekki stækka máltíðina á veitingastaðnum ef þú þarft þess ekki.

Umfram allt vertu nægjusöm/samur. Hvort langar þig meira að kaupa þér ný föt í hverjum mánuði / fara út að borða alltaf í hádeginu eða fara í drauma fríið þitt / kaupa hús / bíl eða hvað sem það er. Þitt er valið.

Ekki valda þér streitu, taktu ákvörðun um það sem þig raunverlega langar meira og haltu þig við það.

 

Facebook Athugasemdir

Um mig

Nafn: Fjóla Signý

Stutt ágrip: Ég er sveitastelpa sunnan heiða en bý núna í Reykjavík. Ég æfi frjálsar að kappi og keppi fyrir umf. Selfoss. Mitt mottó að reyna að lifa eftir setningunni "don't worry be happy" eða "ekki hafa áhyggjur, vertu hamingjusamur" :)

4 thoughts on “10 einföld ráð til að spara

  • Frábær pistill Fjóla. Langar líka að benda á nýlegt app sem heitir strimill. Það er enn í þróun en ef það heldur áfram að fara í rétta átt gæti þetta verið snilld. Þú s.s. tekur mynd af búðarstrimlinum sem er síðan lesinn inn og getur þá séð hvort einhverjar vörur hafa hækkað eða lækkað. Einnig eru skráð tilboð verslana. Getur verið gagnlegt:)

    Reply
  • Ómar Olgeirsson

    Frábær ráð frænka!

    Reply

Skildu eftir svar